Election municipale d'Ajaccio : les résultats définitifs
(A redazzioni d'Alta Frequenza) - 9335 voti vali à dì 42,14% contr'à 6069 voti è 27,40% ! Eccu i sciffri maiò di u prima ghjiru di l'alizzioni municipali d'Aiacciu, a siconda alizzioni in menu d'un annu par via di l'annulazioni di l'edizioni 2014. C'hè un scartu di guasgi 15 punti trà u merri micca validatu d'Aiacciu Laurent Marcangeli è l'anzianu merri Simon Renucci, un scartu assai più largu di pettu à a previsioni di l'upinioni publica è di pettu à ciò ch'ellu avia annunziatu calchì ghjornu fà u solu sundami fattu pà ss'alizzioni. Nisun altra lista franca dunqua i 10% è ùn pudarà dunqua micca essa prisenti pà u sicondu ghjiru. Eppuru, quattru pudarani fà una fusioni cù altri listi : François Casasoprana prima cù i so 7,89%, Francis Nadizi è 1510 voti pisendu 6,82%, José Filippi cù 6,54% è Paul Leonetti cù 6,17%. Infini, Jean Antoine Villanova, dittu Tata Angèle, hè ultimu cù 3,04% di i voti.
