Elections en Corse: l'ombre du clivage entre partisans du statu quo et évolutionnistes
(A redazzioni d'Alta Frequenza) - I difensori di u statutu attuali è quilli chì battini à prò di un'evuluzioni istituziunali pà a Corsica, eccu i dui currenti pulitichi maiò chì sarani torna l'unu contr'à l'altru duranti l'alizzioni chì venini. Aldilà di a riflissioni impurtanti intrapresa à l'assemblea di Corsica, à u nivellu istituziunali o ancu custituziunali, si sà bè chì l'alizzioni à vena, i municipali par asempiu, sò alizzioni lucali, è solu lucali. Sò numarosi ad insista nant'à u fattu chì si pò, duranti un'alizzioni lucali, fà matrimonii cuntrarii pà vincia, com'è s'è l'alittori ùn aviani micca upinioni pulitichi abbastanza sicuri pà andà sopra à a simplici gistioni municipali. Ssa sfarenza trà difensori di u statutu attuali è quilli pà l'evuluzioni sarà ancu di più prisenti pà l'alizzioni tarrituriali ma pisarà dinò, d'appressu à Michel Castellani, nant'à i municipali. U cunsighjeru tarrituriali Femu a Corsica l'hà custatata duranti a stallazioni di u cumitatu strategicu nant'à l'urganisazioni tarrituriali di a Corsica; ssa sfarenza hè bè quì è pisarà nant'à tutti l'alizzioni.
Steti à senta à Michel Castellani.
