Elections européennes: candidature d'Emmanuelle De Gentili pour le PS
(A redazzioni d'Alta Frequenza) - Ind'un cumunicatu, a Federazioni di Corsica Suprana di u Partitu Sucialistu annunzia chì Emmanuelle De Gentili hè stata scelta da u Cunsighju Naziunali di u partitu par essa numaru 4 (pudaria dunqua essa eletta) nant'à a lista purtata da u ministru di l'Educazioni naziunali Vincent Peillon pà l'alizzioni aurupei di ghjugnu di u 2014, ind'a circuscrizzioni Sud-Est. Cù ssa scelta, u PS dici ch'ellu và ind'u sensu di "a dimarchja, u parcorsu, a pusizioni pulitica è i scelti fatti pocu fà da Emmanuelle De Gentili". Custituisci, d'appressu u partitu, "un veru segnu di cunfidenza è di ricunniscenza di a so azzioni à a Cullettività Tarrituriali di Corsica, com'è cunsighjera esecutiva dilegata à l'Affari Aurupei è di a so attività è u so investimentu com'è aghjunta di u merri di Bastia".
