Elections professionnelles dans la fonction publique : la CGT d'attaque
(A redazzioni d'Alta Frequenza) - Ssu ghjovi u 4 di dicembri, più di 5 millioni d'agenti di i trè lati di a funzioni publica, vali à dì di Statu, tarrituriali è di l'uspidali, ani da vutà pà sceglia i so raprisintanti sindicali in tutti l'istanzi di cuncertazioni in Francia. In Corsica, millai di parsoni sarani cuncirnati, è i sfarenti furmazioni sindicali prisentani ssu votu com'è un inghjocu veru pà u serviziu publicu. Hè u casu di a CGT chì faci parti di i favuriti, è chì conta annant'à ssu scrutinu pà assicurà u so statutu di prima urganisazioni ind'a funzioni publica. Duranti una cunfarenza di stampa, i so candidati ani missu torna una volta in evidenza i so dui rivindicazioni maestri : a difesa è u sviluppu di u serviziu publicu eppo a migliurazioni è a valurisazioni di i diritti di l'agenti. A CGT stima d'altrondi ch'ella hè a scelta a più bona parchì hè capaci di pisà duranti neguziazioni à u nivellu naziunali di più cà altri sindicati chì t'ani solu un'arradichera lucali com'è u so cuncurrenti principali, u STC.
Steti à senta à Jean Michel Biondi, pà a CGT di Corsica Suttana.
Sur le même sujet
