Elections professionnelles dans la fonction publique : le STC ambitieux
(A redazzioni d'Alta Frequenza) - U 4 di dicembri, è pà a prima volta, tutti l'agenti di i trè cumpunenti di a funzioni publica, vali à dì quilla di Statu, tarrituriali è di u settori di l'uspidali, ani da vutà pà sceglia i so raprisintanti in tutti l'istanzi di cuncertazioni. I sindicati aspettani assai di ss'alizzioni storichi chì ani da cuncirnà decini di millai di parsoni ind'a funzioni publica in Corsica, spirendu chì ci sarà una migliurazioni di u dialogu suciali inghjiru à sughjetti è rivindicazioni chì toccani l'agenti tutti i ghjorni. L'urganisazioni eletti t'avarani d'altrondi u puteri di neguzià cù l'impieganti publichi è di cuncluda accordi. Ma l'inghjocu maiò di ssu scrutinu hè di dimustrà l'arradichera di a so furmazioni sindicali è a so raprisintatività riali ind'u settori publicu. Pà u STC, chì urganizava ssu ghjovi una cunfarenza di stampa, ssa raprisintatività, s'ella duvia essa acquistata à un nivellu assai impurtanti, s'aghjunghjaria à quilla cunnisciuta dighjà ind'u settori privatu. Da un'antra banda, u sindicatu naziunalistu ùn scuntrarà micca un prublema maiò : ùn avarà micca bisognu di liassi à un antru sindicatu ricunnisciutu à u nivellu naziunali, postu chì u STC si prisenta à a scala righjunali.
Steti à senta à Ghjuvanni Brignole, u so secretariu naziunali.
Sur le même sujet
