Elections sénatoriales : l'analyse de Julia Sanguinetti
(A redazzioni d'Alta Frequenza) - Chì sarani i cunsiquenzi di l'alizzioni senaturiali annant'à quilli chì venini, catunuali o righjunali? Manc'una, diciarani certi usservatori insistendu annant'à u carattaru assai particulari di a senaturiali, piuttostu purtata annant'à a valurisazioni di una parsunalità cà di u missaghju puliticu ch'ella duvaria purtà. Eppuru, si vedi calcosa di custanti, soprattuttu in Corsica Suttana induva a diritta isulana arrighjistreghja successi di fila à u nivellu eletturali. Jean Jacques Panunzi hè statu purtatu cù un puteri largu fin'è u Palazzu di u Luxembourg è u so risultatu, più d'86%, dimostra bè a vera trafalata di a manca in ssu dipartimentu. U fattu di lancià contr'à un veru giganti un candidatu abbastanza novu in pulitica hè statu forsa un fattori maiò di ssa vera scunfitta di a manca suttanaccia. Quissa quì ùn hà micca racoltu i voti ch'ella pinsava d'avè, ciò chì hà fattu pighjà à Julia Sanguinetti una certa distanza cù ss'ambienti puliticu.
Steti à senta à Julia Sanguinetti.
Sur le même sujet
