Embauches à La Méridionale : le STC dénonce un déséquilibre entre les régions PACA et Corse
(A redazzioni d'Alta Frequenza) - U STC di i Marinari di a Méridionale faci cunnoscia a so scuntintezza. U sindicatu dinunzia prumessi chì ùn sariani micca stati tinuti cuncirnendu a missa in ballu di un equilibriu novu di l'impieghi trà a Corsica è a regioni PACA. Un squilibriu pà ciò chì tocca i CDD è i CDI in a cumpagnia, à sfavori dunqua di i residenti corsi sicondu u STC, chì pudaria essa torna di più impurtanti à l'avvena. L'urganisazioni sindicali hà fattu valè i so rivindicazioni duranti u cunsighju d'amministrazioni di a Méridionale ssu luni in Marseghja; hè stata ascultata mentri ssa stonda, ma forsa ancu intesa. U troppu stroppia, com'ellu a ci dici u dilegatu sindicali di u STC di i Marinari in a cumpagnia.
Steti à senta à Cyril Venouil.
Sur le même sujet
