Emile Zuccarelli renonce à briguer un nouveau mandat de maire de Bastia
(A redazzioni d'Alta Frequenza) - Ùn era più un sicretu dipoi calchì settimana, ma stavolta quì, l'infurmazioni hè cunfirmata da Emile Zuccarelli. U merri attuali di Bastia, in postu dipoi marzu di u 1989, quandu ellu avia presu a seguita di u so babbu Jean, ùn sarà micca candidatu à a so successioni. Dopu à un quartu di seculu à a merria di Bastia, cità duva ellu sarà statu diputatu fin'è u 1992, eppo da u 1993 fin'è u 2007, è ancu ministri di i Posti è di i Telecumunicazioni, da u 1992 à u 1993, eppo ministru di a Funzioni Publica da u 1997 à u 2000, Emile Zuccarelli si senti prontu à andà si ni. Quissu quì, fieru di u so bilanciu, spieca ind'una lettara mandata à tutti i bastiacci, chì "ciò chì l'hà sempri guidatu u porta à ghjirà si ver di l'avvena" è chì issa dicisioni "difficiuli" hè cumandata da u so "attaccamentu à Bastia". A battaghja pà a so succesioni, à manca, sarà aspra, trà u so fighjolu, Jean Zuccarelli, è quillu chì parechi ani cunsidaratu duranti un pezzu com'è u so fighjolu spirituali è u so successori, François Tatti. Emile Zuccarelli priciseghja ch'ellu sustinarà "a squadra rinnuvata chì sarà custituita" da u candidatu sceltu da u Partitu Radicali di Manca è a so unioni pussibuli cù u Partitu Sucialistu è u Partitu Cumunistu.
Sur le même sujet
