Emplois à la mairie de Bastia : Gilles Simeoni doit rendre des comptes selon François Tatti
(A redazzioni d'Alta Frequenza) - Ssu marcuri, u Muvimentu Corsu Demucratu di François Tatti hà invitatu a stampa pà sprimasi. Ma si trattava di u leader di u MCD o di u presidenti di a Cumunità d'Agglumerazioni di Bastia ? Difficiuli à dì, à tal puntu chì si pò pinsà à un mischju di i dui infini, un mischju pà tuccà à Gilles Simeoni, u merri di Bastia ma dinò quillu chì hè u numaru unu di a lista Femu a Corsica pà i tarrituriali. François Tatti hà criticatu u so avversariu puliticu chì d'appressu à ellu dumanda a trasparenza à tutti i patti mentri chì ùn saria micca capaci d'appiegalla par ellu stessu. In mira à u settesimu di a lista Prima a Corsica di Paul Giacobbi, l'impieghi in a merria di Bastia. François Tatti spiega ch'ellu hà dumandatu parechji volti à Gilles Simeoni un bilanciu di l'impieghi criati è supprimati dipoi a so ghjunta à a merria di Bastia, è què in vanu, fendu cusì torna a so dumanda. Pà contu soiu, François Tatti hà datu à a stampa una lista ditagliata di i posti criati è supprimati in a CAB.
Steti à senta à François Tatti, u presidenti di a Cumunità d'Agglumerazioni di Bastia, di u Muvimentu Corsu Demucratu è settesimu di a lista Prima a Corsica di Paul Giacobbi.
Sur le même sujet
