Emplois d'avenir : Inseme per Bastia dénonce !
(A redazzioni d'Alta Frequenza) - U dispusitivu di l’impiechi d’avvena, missu in piazza calchì mesi fà da u guvernu, hè à u centru di una pulemica in Corsica Suprana. In fatti, duranti una cunfarenza di stampa, u partitu d’uppusizioni municipali Inseme per Bastia hà dinunziatu u clientelisimu prisenti sicondu un custatu ch’ellu hà fattu inde issu dispusitivu in Corsica Suprana è soprattuttu ind’u rughjoni di Bastia. Rammintemi chì l’impiechi d’avvena sò missi in ballu pà ghjovani senza impiecu trà 16 è 25 anni, pocu è micca qualificati, i cullettività lucali, l’associ è i strutturi privati senza scopu lucrativu avendu a pussibilità di prupona li. Prublema pà Inseme, nant’à i 66 impiechi d’avvena attribuiti par avà, 65 sò stati dati drentu à cullettività lucali, vali à dì casi cumuni, cumunità d’agglumerazioni o cunsighju ghjinirali. Dinunziendu ciò chì custituisci sicondu elli un sistema chjosu accumpagnatu di un ricrutamentu micca chjaru è senza perspettiva d’avvena, i membri d’Inseme dumandani un’urientazioni nova di l’impiechi chì fermani ver di l’assuciativu è u privatu micca lucrativu, è a custituzioni di una cumissioni paritaria di selezzioni.
On écoute Gilles Simeoni
Sur le même sujet
