En décembre, la Corse élira son assemblée nationale !
(A redazzioni d'Alta Frequenza) - Pari chì a legi NOTRe scrivarà un'evuluzioni di a Corsica più prufonda è più in furia cà privistu ! In fatti, sicondu u situ di u ministeru di l'Internu, propiu degnu di cunfidenza annant'à u sughjettu, u 6 è u 13 di dicembri, a Corsica hà da eleghja a so assemblea... naziunali ! "Ss"infurmazioni" pò essa verificata à partasi di a rubrica "actualités du ministère" annant'à u situ www.interieur.gouv.fr (pichjà quì), annant'à un articulu di u 4 d'aostu di u 2015, chì prisenta i mudalità di votu pà l'alizzioni regiunali. Una nutizia chì farà piacè à certi è chì scandalizarà ad altri, è chì cambia a dimensioni di ss'alizzioni. Si pò scumetta soprattuttu chì una piccula manu di u serviziu internet di a piazza Beauvau risica di campà una fin di ghjurnata di quilli putenti... o tandu si tratta di un attu mancatu chì ghjunghji da più altu.
Sur le même sujet
