Encore un attentat contre un snack à Ajaccio
(A redazzioni d'Alta Frequenza) - Terzu attentatu in menu di deci ghjorni contr'à un snack in Aiacciu. Stavolta hè u stabilimentu les Saveurs du Maroc, ind'u quartieru di i Canni, chì hè statu toccu versu cinqui ori di mani ssu marcuri. I primi investigazioni sò stati rializati sopralocu. I disguasti sò assai impurtanti. A splusioni hà toccu dinò un appartamentu sopra è dui vitturi davanti à u snack. Nimu hè statu feritu è nisun rivindicazioni hè stata rilevata. U pruprietariu, chì ùn hè micca in a cità Impiriali, hè in vacanzi in Marseghja in ssu mumentu. U merri d'Aiacciu, Simon Renucci, duvaria andà ind'u quartieru di i Canni ind'a matinata. A Pulizza Ghjudiziaria s'occupa di l'inchiesta.
Sur le même sujet
