Enquête sur le crash de la Caravelle Ajaccio-Nice : du nouveau ?
(A redazzioni d'Alta Frequenza) - Calchì ghjornu nanzi à u 49esimu anniversariu di u crash di a Caravelle Aiacciu-Nizza, chì hà vistu a morti di 95 parsoni l'11 di sittembri di u 1968, ci saria un'avanzata nova cuncirnendu u cartulari ghjudiziariu inghjiru à l'affari. In fatti, d'appressu à Paul Sollacaro, avucatu di i famighji di vittimi, l'inchiesta andaria infini versu a dumanda pà caccià u sicretu difesa, dopu chì u ghjudici di struzzioni avissi ricivutu duranti a statina un raportu pisivu è pricisu di i gendarmi inchiestadori, fendu spuntà cuntradizzioni è elementi chì sariani cuparti da ssu famosu sicretu difesa. Di pettu à ss'affari, u ghjudici farà o micca una dumanda pà sclassificà ducumenti ind'è u ministeru di a Difesa ? Ramintemi chì l'associu di i famighji di vittimi cuntesta a virsioni ufficiali di l'accidenti è amenta piuttostu l'ipotesi di un tiru chì avaria toccu l'avviò duranti uparazioni militari.
Steti à senta à Paul Sollacaro.
Sur le même sujet
