Enseignement de la langue corse : Michel Barat "met les points sur les i"
(A redazzioni d'Alta Frequenza) - Michel Barat hà fattu oghji (luni) a tradiziunali cunfarenza di stampa di riintrata, un eserciziu chì veni à cumplittà, parchì i sciffri sò oramai difinitivi, a cunfarenza di stampa di riintrata di u principiu di l'annata sculari. 260 millioni d'auri sò stati accurdati à l'accademia di Corsica pà l'annu 2012, à i quali ci voli à aghjustà più di 7 millioni d'auri pà l'insignamentu privatu. Aldilà di l'aridità di i sciffri, ci voli à sapè chì guasgi 95% di issu bughjettu hè cunsacratu à a paga di calchì 4 187 impiechi. U rettori di l'accademia di Corsica hà dinò vulsutu bè incalcà nant'à l'insignamentu di a lingua corsa. In fatti, sicondu Michel Barat, a scola ùn pò micca rimpiazzà a sucità sana parchì a salvezza di una lingua esci largamenti da u quadru strettu di l'educazioni pà andà ver di cunsidarazioni più sucitali, è què malgradu i 9 millioni d'auri investiti ognu annu nant'à issa materia sola. Un'uparazioni pà rammintà i realtà chì pighja tuttu u so sensu à u mumentu duva l'istanzi pulitichi di l'isula travaghjani senza piantà nant'à un novu statutu pà a lingua corsa, si pudaria ancu aghjustà nant'à un novu statutu tuttu simpliciamenti.
Écoutez Michel Barat, recteur de l'Académie de Corse.
Sur le même sujet
