Enseignement du corse : l’Éducation Nationale peut-elle faire plus ?
(A redazzioni d'Alta Frequenza) - A riintrata sculari s'hè passata ind'i cundizioni ch'è no sapemi, ind'un ambiu propiu bonu, è què malgradru calchì puntu scarsu di scuntentezza quì o culà. A riintrata, hè ben intesa a ripresa di i corsi in lingua corsa, materia oghji piena è sana di l'ufferta sculari da a materna à a terminali. Ma attinzioni, rammintà iss'evidenza quì ùn voli intendi chì tuttu và bè ind'u mondu di l'insignamentu di u corsu. S'è l'Educazioni Naziunali metti in ballu u pianu di sviluppu 2007 / 2013 arristatu cù a Cullettività Tarrituriali di Corsica, un pianu chì privedi trè ori d'insignamentu di u corsu à tutti i nivelli, issu scopu ùn hè ancu toccu oghji. In fatti, s'è ind'u primu gradu guasgi 99% di i sculari ricevini iss'insignamentu quì, issa parcintuali cala assai ind'u sicondu gradu. S'è ind'i culleghji, 57% di l'elevi suvitani sempri corsi di corsu, l'affari s'affonda in liceu, duva solu 22% cuntinueghjani issa furmazioni quì. Pà l'insignamentu bislinguu à parità, hè ancu peghju : 27% di i sculari ind'u primariu è solu 9% ind'u sicundariu. Si ghjunghji à a limita di ciò ch'ella pò fà l'Educazioni Naziunali ind'u duminiu di l'insignamentu di u corsu è què ind'u quadru di a legi com'ellu hè difinitu oghji ?
Écoutez la réponse de Jean-Marie Arrighi, chargé de langue et de culture corses au rectorat de la Corse.
Sur le même sujet
