ENT Leia : de la révolution pédagogique au développement du numérique en Corse
(A redazzioni d'Alta Frequenza) - U Cumitatu di Guidu Spaziu Numericu di Travaghju ind'i licei è culleghji di Corsica, cù u rettori d'accademia Michel Barat, è u presidenti di l'ADEC Jean Zuccarelli, ani prisintatu arimani (marti) l'ENT Leia. Quissu quì, dighjà pruvatu dui anni fà da cinqui stabilimenti, t'hà parechji funzioni à destinazioni di l'elevi, di l'insignanti ma dinò di i parenti. Si pò in fatti via internet, in casa soia o inde guasgi tutti i licei è culleghji cuncirnati, acceda à moduli di vita sculari (spartitempi, quaderni di testu, noti, assenzi...) ma ancu d'acceda à u spaziu di corsi è cuntinuti pedagogichi, provi è valutazioni. Dipoi a so criazioni, 17 licei è culleghji l'utilizeghjani di modu rigulari è 330 000 cunessioni sò stati censati nant'à un periudu di 22 mesi. U scopu hè d'andà ver di a ghjiniralisazioni di i 45 stabilimenti di l'isula, chì raprisentani più di 24 000 elevi. Un arnesi chì, aldilà di una rivuluzioni di a pratica pedagogica, si scrivi ind'una pulitica assai più larga rializata da a CTC ind'u sviluppu di u numericu di parechji maneri in Corsica.
Écoutez le président de l’ADEC, Jean Zuccarelli.
Sur le même sujet
