Entretien avec la ministre de l'Education nationale, en visite ce mardi à Ajaccio
(A redazzioni d'Alta Frequenza) - Visita in Corsica oghji (marti) di a ministra di l'Educazioni naziunali. Una visita di dopu Charlie chì hà purtatu Najat Vallaud-Belkacem à u liceu Letizia Bonaparte d'Aiacciu. Aldilà di u protocollu è di u scontru cù l'insignanti è i raprisintanti di a cumunità educativa, c'hè statu un dibattitu assai intarissanti trà a ministra è i liceani. Libertà, Ugualità, Fraternità, ma dinò lotta contr'à l'oscurantisimu o a presa in contu di a parolla liceana sò stati in cori à i discussioni. Duranti ssi discussioni, pussibilità di suluzioni sò stati arricati da l'elevi pà pudè luttà contr'à l'inugualità par asempiu. Amintavani corsi di filusufia nanzi à a terminali, l'amparera di u fattu rilighjosu ind'a scola laica o ancu un postu di primura pà l'arti è a cultura. Hè statu fattu dinò certi volti un custatu amaru, com'è s'è i nuzioni amintati più sopra erani solu un'utupia, è chì a rialtà di tutti i ghjorni di i zitelli era assai di più difficiuli. A ministra hè stata assai surpresa in bè da a qualità di u dibattitu di stamani, una seenza ch'ella hà qualificatu di "ricca", incalchendu annant'à u fattu ch'ellu era statu un fattu scarsu par ella. Eppuru, d'appressu à ella, c'hè un ceppu cumunu inde l'intarrugazioni ch'elli si ponini tutti i culleghjenti è i liceani di u paesi, i cunfusioni, u campà insemi, a lucidità annant'à i periculi chì l'inghjirani.
Steti à senta à Najat Vallaud-Belkacem.
Sur le même sujet
