Episode de pollution atmosphérique : les recommandations à suivre
(A redazzioni d'Alta Frequenza) - Episodiu di pulluzioni atmosferica : com'è privistu da Qualitair Corsica, si rimarca una crescita di i cuncintrazioni, soprattuttu in Corsica Suttana è in u rughjonu aiaccinu induva u nivellu d'alerta hè statu trapassatu. Oramai, bisognu à riducia l'emissioni di pulluanti à u più è à rispittà i cunsigni di saluta pà a pupulazioni sana è soprattuttu i parsoni sinsibuli. Di fattu, a prifittura di Corsica Suttana hà cumunicatu parechji misuri. Par asempiu, hè difesu di brusgià fora mullizzi verdi è agriculi, ma dinò di fà dibbieri, mentri chì a cunsumazioni elettrica devi essa ridutta à u minimu nicissariu. Da un'antra banda, pà incuragiscia mezi di trasportu cullittivu, a Cumunità d'agglumerazioni di u paesi aiaccinu hà dicisu di fà gratisi l'accessu à i trasporti in cumunu fin'è a fini di ss'episodiu.
Sur le même sujet
