Épisode de pollution atmosphérique : vers une diminution des particules fines
(A redazzioni d'Alta Frequenza) - I nivelli in elementi fini sò sempri altissimi in u rughjonu d'Aiacciu è in u centru cità di Bastia cuncirnendu l'episodiu di pulluzioni di l'aria arrighjistratu dipoi u principiu di a simana. Valori forti sò dinò misurati nant'à l'isula sana è ancu in muntagna. Hè nicissariu di rispittà i cunsigni di saluta è di cumpurtamentu pà a ghjurnata in Corsica sana. U ventu duvaria quantunqua cambià di direzzioni in a nuttata trà marcuri è ghjovi, inghjinnendu una calata impurtanti di l'elementi fini inde l'aria. Hè malgradu tuttu nicissariu di riducia à u più l'emissioni lucali di pulluanti limitendu l'adopru di i vitturi è di rispittà di manera stretta l'interdizzioni di brusgià fora, ancu pà i vegetali.
Sur le même sujet
