Européennes : l'analyse d'Emmanuelle de Gentili
(A redazzioni d'Alta Frequenza) - L'alizzioni aurupei di dumenica ani cunfirmatu dinamichi chì si ripetini in Corsica. Annant'à un'alizzioni di un'impurtanza altra cà lucali, u Front National hà cunfirmatu i so risultati impurtanti, essendu torna a siconda forza pulitica, à u cuntrariu di l'alizzioni più lucali induva par avà, u partitu di strema diritta ùn ci la faci micca à esista daveru. Altri cunfirmazioni, in leia stavolta quì cù i dinamichi lucali, quilli di una duminazioni di a diritta inde l'urni, di a bona saluta di u currenti naziunalistu sopra à i 20%, è di tempi duri pà a manca tradiziunali, o ancu assai difficiuli pà u Front de Gauche, chì rinculani più o menu tramindui sicondu i tindenzi. U risultatu di l'aurupei ùn hè micca vargugnosu malgradu tuttu pà Emmanuelle de Gentili, prima secretaria di u PS di Corsica Suprana, chì ghjudicheghja chì cù una campagna assai, o ancu troppu rapida, a lista PS-PRG hà salvatu ciò chì pudia essa salvatu.
Steti à senta à Emmanuelle de Gentili.
