Européennes : l'analyse de Gilles Simeoni
(A redazzioni d'Alta Frequenza) - L'alizzioni aurupei di dumenica scorsa ani cunfirmatu dinamichi chì si ripetini in Corsica. Annant'à un'alizzioni di un'impurtanza altra cà lucali, u Front National hà cunfirmatu i so risultati impurtanti, essendu torna a siconda forza pulitica, à u cuntrariu di l'alizzioni più lucali induva par avà, u partitu di strema diritta ùn ci la faci micca à esista daveru. Altri cunfirmazioni, in leia stavolta quì cù i dinamichi lucali, quilli di una duminazioni di a diritta inde l'urni, di a bona saluta di u currenti naziunalistu sopra à i 20%, è di tempi duri pà a manca tradiziunali, o ancu assai difficiuli pà u Front de Gauche, chì rinculani più o menu tramindui sicondu i tindenzi. Ind'è u currenti naziunalistu muderatu, u risultatu di François Alfonsi hè una vera suddisfazioni parchì cunfirmeghja a dinamica vista duranti l'ultimi alizzioni, lucali com'è naziunali. Un currenti chì s'ellu ùn si senti micca toccu ind'u so eletturatu da u marosulu di u Front National ni voli tena contu malgradu tuttu.
Steti à senta à Gilles Simeoni pà Femu a Corsica chì sustinia a candidatura di François Alfonsi.
Sur le même sujet
