Européennes : la réaction de Michel Stefani pour le Front de Gauche
(A redazzioni d'Alta Frequenza) - L'alizzioni aurupei di dumenica scorsa ani cunfirmatu dinamichi chì si ripetini in Corsica. Annant'à un'alizzioni di un'impurtanza altra cà lucali, u Front National hà cunfirmatu i so risultati impurtanti, essendu torna a siconda forza pulitica, à u cuntrariu di l'alizzioni più lucali induva par avà, u partitu di strema diritta ùn ci la faci micca à esista daveru. Altri cunfirmazioni, in leia stavolta quì cù i dinamichi lucali, quilli di una duminazioni di a diritta inde l'urni, di a bona saluta di u currenti naziunalistu sopra à i 20%, è di tempi duri pà a manca tradiziunali, o ancu assai difficiuli pà u Front de Gauche, chì rinculani più o menu tramindui sicondu i tindenzi. Ind'è u Front de Gauche, ghjustu appuntu, si cerca à minimizà appena u fiascu cù à mezu à l’argumenti ammintati una calata micca troppu impurtanti di pettu à quilli arrighjistrati in Corsica da u PS è Europe Ecologie Les Verts quand’ellu si faci u paragonu cù i risultati di l’aurupei di u 2009.
Steti à senta à Michel Stefani.
