"Eviter le piège de l’électoralisme" : Corsica Libera au sujet du PADDUC
(A redazzioni d'Alta Frequenza) - Sfrancassi di a trappula di l'eletturalisimu ! Eccu u missaghju purtatu da Corsica Libera, chì hà postu stamani (marcuri) in Aiacciu a so cuntribuzioni à l'inchiesta publica annant'à u PADDUC. U PADDUC hè un ducumentu cucustruitu, è ci voli à andà dunqua, sicondu u muvimentu puliticu, fin'è a fini di a custruzzioni tutali prima ch'ella si cumpiessi a mandatura. Corsica Libera rigretta cun amarezza chì quilli chì ani cullaburatu di manera stretta in a custruzzioni di u PADDUC, certi muvimenti naziunalisti è certi associ di difesa di l'ambienti, si movini assai in ssu mumentu pà distrughja tuttu ciò chì hè statu custruitu, è què ben intesu inde perspettivi solu eletturalisti. Di pettu à u PADDUC di l'anziana mandatura di diritta, u ducumentu di prugrammazioni attuali hè un bon ducumentu, ancu s'ellu pò essa di sicuru sempri mudificatu da amendamenti o adattazioni sicondu certi cunsiderazioni.
Steti à senta à Josepha Giacometti pà Corsica Libera.
