Faute de moyens, les policiers organisent une quête symbolique
(A redazzioni d'Alta Frequenza) - U sindicatu Unité SGP Police Force Ouvrière di Corsica Suttana chjama à a manifestazioni ssu marti à meziornu è quartu davanti à a prifittura in Aiacciu, pà dinunzià a mancanza di mezi pà a Direzzioni Righjunali di a Pulizza Ghjudiziaria. In cunstratu tutali cù i prumessi fatti oramai un annu fà in tutti i media da u Primu ministru Jean Marc Ayrault, nant'à un rinforzu di i mezi di lotta contr'à a criminalità urganizata in Corsica, i pulizzeri dicini ch'elli ùn ani micca i mezi di l'ambizioni dimustrati. Dinunziani par asempiu a riduzzioni assai forti di l'ultima parti di finanziamentu di a DRPJ pà l'annu 2013, u fattu chì veiculi chì li duviani essa dati sighini stati cacciati finalmenti eppo mandati in Marseghja o ancu u fattu chì parechji partenzi à a ritirata ùn sighini micca stati rimpiazzati. Ssi pulizzeri scuntenti urganizarani d'altrondi una racolta simbolica di soldi ssu marti pà dimustrà "a miseria" chì inghjira u so travaghju, d'appressu i parolli di u secretariu dipartimintali di u sindicatu, Raphaël Vallet.
Steti à senta à Raphaël Vallet.
Sur le même sujet
