Femu a Corsica donne son regard sur la suite à donner aux attentats de Paris
(A redazzioni d'Alta Frequenza) - Femu a Corsica hà missu da cantu pà una maiò parti a prisintazioni di u so prugramma à a stampa ssu ghjovi in Bastia, nant'à chì vultaremi ind'i nostri nutiziali chì venini, à prò di una riazzioni glubali à l'attentati chì ani toccu à Parighji è à a crisa geupulitica chì hè liata. Aldilà di u discorsu di Femu sicondu quali l'islamisimu radicali hè un fascisimu, u partitu stima chì ss'affari devi sbuccà, in Corsica, annant'à dui stradi. A prima hè quilla di una riazzioni di u Statu di pettu à i pauri di certi corsi, cuncirnendu par asempiu i famosi cartulari S, cù una survighjenza chì devi essa sivera pà Femu a Corsica. A siconda hè quilla di a risposta à arricà à ssu prublema. S'è a risposta armata è geupulitica hè calcosa d'internaziunali, c'hè una risposta lucali à dà pà Femu a Corsica, è ssa risposta passa pà un dialogu annant'à u mudelu di sucità corsa è annant'à a manera di luttà contr'à l'integrisimi. Un dialogu chì si devi matirializà da un'apartura chì andessi bè aldilà di u campu puliticu è cù una sissioni strasurdinaria di l'Assemblea di Corsica à u principiu di a mandatura.
Steti à senta à Gilles Simeoni, u numaru unu di a lista Femu a Corsica.
Sur le même sujet
