Femu a Corsica s'exprime sur la réforme institutionnelle avant le comité stratégique
(A redazzioni d'Alta Frequenza) - Femu a Corsica, à a vigilia di un cumitatu strategicu di primura cuncirnendu a riforma istituziunali, hà pricisatu i so pusizioni. L'avvena di a Corsica, pà Femu a Corsica, passarà pà una cullittività unica d'86 eletti, à tempu eletti à u nivellu righjunali ma dinò annant'à cinqui à ottu circuscrizzioni, è micca tredeci com'ellu hè statu prupostu da u raportu Colombani, parchì troppu vicini da i cantoni attuali d'appressu à Femu a Corsica. Pà pudè dicintralizà, u cunsighju di i tarritorii chì adunisci tutti l'intercumunalità è chì t'hà com'è scopu di mutualizà i pulitichi intercumunali t'avaria tandu i so lucali in Bastia. Ma tuttu ss'affari, chì saria accumpagnatu da l'impussibilità di fà di più cà dui mandati di fila à i listessi rispunsabilità, è i discussioni intornu à què pà pudè truvà accunsenti in cumitatu strategicu o in sissioni straurdinaria à l'Assemblea di Corsica, duvarà passà pà dui nicissità micca troppu faciuli, vali à dì cunvicia à tempu u Statu eppo riescia à fà passà ssu gennaru di riformi, ma dinò è soprattuttu parchì sarà quilla chì ghjunghjarà u più in furia, rimandà i cantunali à un'antra data cà quilla chì hè privista pà a fin di marzu, chì sciapparia pà daveru u slanciu rifurmatori rinfurzendu i dipartimenti.
Steti à senta à Ghjuvan Cristofanu Angelini.
Sur le même sujet
