Femu a Corsica tire le bilan de sa présence à l'assemblée de Corse et adresse un message à l'Etat
Femu a Corsica tire le bilan de sa présence à l'assemblée de Corse et adresse un message à l'état
(A redazzioni d'Alta Frequenza) - Ssu marcuri, duranti una cunfarenza di stampa in Bastia, Gilles Simeoni, Ghjuvan Cristofanu Angelini è una parti impurtanti di l'eletti tarrituriali Femu a Corsica sò vultati annant'à parechji tematichi. U bilanciu di quattru anni d'azzioni à l'assemblea di Corsica hè statu fattu, ed hè pusitivu quissu quì d'appressu à u partitu muderatu, postu chì ssi quattru anni ani parmissu d'ingaghjà un'evuluzioni pulitica aldilà di a famighja naziunalista, è di purtà davanti à l'assemblea parechji sughjetti impurtanti, com'è a vulintà di veda a Corsica scritta ind'a Custituzioni francesi, a cuufficialità di a lingua o a quistioni fundaria par asempiu. Un antru sughjettu hè statu ammintatu, quillu di i rilazioni cù u Statu francesi, è l'immubilisimu chì caratterizeghja, sicondu Femu a Corsica, a so azzioni ver di a Corsica. Pà u partitu, u Statu devi pighjà i so rispunsabilità è stà à senta cù di più attinzioni a vulintà di una maghjurità di a Corsica.
Steti à senta à Gilles Simeoni.
Sur le même sujet
