Feu d'appartement à Ajaccio
(A redazzioni d'Alta Frequenza) - Un focu hè partutu stanotti appena nanzi à un'ora di mani in Aiacciu, ind'un appartamentu di u 7u nivellu di a residenza Impériale, viali Maréchal Lyautey. Si tratta di un focu chì era lucalizatu in cucina avendu inghjinnatu disguasti impurtanti. Tuttu u pianu cuncirnatu hè statu sbiutatu. I pumpieri sò intarvinuti sopralocu in furia, è ani impidutu chì u focu si sparghjessi. Un omu di 72 anni, toccu da u fumu, hè statu presu in carica da u SAMU è traspurtatu à l'uspidali. A parsona chì era inde l'appartamentu toccu da i fiari hè statu allughjatu in altrò grazia à i servizii municipali. I causi di ssu focu sò par avà scunnisciuti.
Sur le même sujet
