Fibre optique dans la CAB : au revoir SFR-Numéricâble , bonjour Orange
(A redazzioni d'Alta Frequenza) - A Cumunità d’Agglumerazioni di Bastia era in u bughju dipoi calchì mesi cuncirnendu u cartulari di a fibra ottica, ci vedi più chjaru oramai. In fatti, SFR, chì avia avutu u marcatu di a stallazioni di a fibra ottica in Bastia è in a so agglumerazioni, hè statu ricumpratu annu da Numéricâble. Fidelu à a pulitica naziunali, u novu giganti di i telecumunicazioni hà piantatu di una manera secca a stallazioni di a fibra ottica, pà vultassi annant’à a so tennulugia, vali à dì una fibra ottica purtata da a reta ditta « câblé » ch’ellu t’hà in Bastia, una tennulugia menu parfurmenti. Una suluzioni chì mittia da cantu dinò di fattu l’altri cumuni chì ùn ani micca ssa reta ditta « câblé ». S’è da quì à calchì mesi, casi bastiacci numarosi duvariani avè ssa tennulugia, a CAB hà riagitu quantunqua, apprufittendu di una dicisioni di l’autorità di a cuncurrenza. In fatti, i cuntratti di sclusività signati da SFR prima d’essa cumpratu da Numéricâble ùn valini più oramai, ciò chì hà parmissu à a CAB di prupona à Orange, chì stalla a fibra ottica in Aiacciu, di ripighjà a missioni lacata da SFR-Numéricâble.
Una missioni chì Orange hà accittatu è dunqua un sullevu veru pà u presidenti di a CAB, François Tatti, ch’è no stemi à senta.
Sur le même sujet
