Fièvre catarrhale: des éleveurs reçus par le préfet de Corse
(A redazzioni d'Alta Frequenza) - U sindicatu agriculu Via Campagnola, unu di i raprisintanti di l'Associu naziunali di l'eletti di muntagna è u vici presidenti di u cumitatu Naziunali pecuri lattaghji sò stati ricivuti arimani (vennari) in Aiacciu da u prifettu di Corsica Christophe Mirmand, pà ciò chì tocca i cunsiquenzi nant'à l'allevi di a frebba catarrhale. L'allivadori ani missu in avanti torna una volta u prublema maiò di l'indennisazioni di i perditi. In fatti, ss'ultimi rigrettani chì l'indennisazioni privisti pighjessini par avà solu in contu a murtalità di i pecuri, è micca a perdita impurtanti di latti par via di pecuri chì ùn sò più pruduttivi, inghjinnendu di fattu una situazioni critica pà tanti è tanti allevi. I portavoci di a dilegazioni ani dumandatu dunqua à u prifettu chì misuri d'urghjenza sighini missi in ballu u più prestu pussibuli, o tandu l'avvena di a filiera pudaria essa pocu chjaru torna appena di più. Ci vultaremi ind'i nostri nutiziali chì venini.
