Fièvre catarrhale: la Sardaigne en exemple
(A redazzioni d'Alta Frequenza) - L'istituzioni di a Corsica! Torna una volta, si parla di ciò chì faci mali ind'u sensu di un'adequazioni assai gattiva trà i reguli francesi è misuri specifichi à a Corsica chì ci vularia à metta in ballu à tutti i patti. A Francia ùn avendu cunnisciutu nisun prublema cù a frebba catarrhale, ùn hè dunqua micca cuncirnata da ciò chì si passa in Corsica, è ancu meghju metti quissa quì in "quarantaine" pà parà si.A spurtazioni d'animali versu u cuntinenti francesi hè par avà bluccata, ancu pà i vacchi è i boii chì sò suspittati di purtà a malatia. Un custatu di fiascu amaru hè statu fattu arimani nant'à i reguli chì gistiscini in ssu mumentu in Corsica ssu gennaru di situazioni. L'ODARC par asempiu, chì l'autorità a più alta ind'è noi in materia agricula, ùn hà micca veri cumpetenzi pà a saluta di l'animali, ciò chì hè daveru un piccatu pà una riattività massima. Altru asempiu chì faci nascia a scuntentezza, a Sardegna, rughjoni autonoma com'è no a sapemi, t'hà tutti i pussibilità d'azzioni pà batta si contr'à un dannu simuli senza lancià si ind'un prucedimentu longu amministrativu è d'appuntamenti à pighjà, ciò chì spieca una riattività più bona è un'efficacità più alta. Hè ciò ch'ellu hà rigrittatu arimani Jean Louis Luciani, presidenti di l'Uffiziu di Sviluppu Agriculu di a Corsica.
Ecoutez-le.
