Fièvre catarrhale: le monde agricole corse entendu par le ministre de l'Agriculture
(A redazzioni d'Alta Frequenza) - Una dilegazioni di raprisintanti di u mondu agriculu corsu cumposta di i sfarenti presidenti di i Camari, di raprisintanti sindicali, di membri di l'ODARC è di l'Interprofession Laitière Ovine et Caprine Corse, hè stata ricivuta à a fin di a settimana scorsa in Parighji da u ministru di l'Agricultura, Stéphane Le Foll. À u centru di i discussioni, dui temi maiò : l'indennisazioni di l'allivadori chì ani vistu i so animali tocchi da a frebba catarrhale è l'aiuti finanziarii privisti da a Pulitica Agricula Cumuna. Pà u primu cartulari, chì hà fattu di più in più parlà d'ellu ss'ultimi settimani, u ministeru pruponi di fà ricullà in Brussels è ver di l'alti autorità aurupei una dumanda d'indennisazioni versu 340 auri pà ogni bestia. Un sciffru chì ùn hè micca difinitivu, chì pudaria ancu crescia, ma chì pari cunvena à u presidenti di a Camara righjunali d'Agricultura, Joseph Colombani. Ancu s'è i discussioni ùn sò ancu à compia, li si pari chì u missaghju mandatu da a dilegazioni fussi statu bè ricivutu da u ministru; Stéphane Le Foll saria prontu d'altrondi à vena in Corsica nanzi à a fin di l'annu, pà ammintà di manera glubali u prublema di l'agricultura isulana.
Steti à senta u presidenti di a Camara righjunali d'Agricultura, Ghjaseppu Colombani.
Sur le même sujet
