Fièvre catarrhale: les premières mesures du préfet de Corse
(A redazzioni d'Alta Frequenza) - A frebba catarrhale ! Sarà u tema principali di ssu ghjurnali parchì a situazioni pò essa gravi pà tutta a filiera pecurina di Corsica. À u cuntrariu di ciò chì si saria pussutu creda, a riunioni impurtanti d’eri dopu meziornu (marcuri) in prifittura di Corsica hè stata sirena, o in tutti i casi custruttiva. U mondu di l’allevu isulanu, è micca solu di i pecuri, parchì a filiera di i vacchi sarà tocca dinò, hè in fatti propiu intimuritu da ssa nova attacca – tantu surpresa – di a frebba catarrhale. L’annu 2000, data di a prima attacca, ferma stampata ind’i menti è l’allivadori rigrettani cù amarezza chì l’insignamenti di u passatu ùn avissini micca avutu cunsiquenzi pusitivi nant’à a situazioni prisenti. U famosu protocolu chì gistisci a missa in ballu di tutti ssi pruceduri in casu di pandemia ùn hè micca adattatu à a Corsica ! Hè u primu insignamentu d’arimani chì hè isciutu duranti ssa riunioni longa, assai longa. U prifettu di Corsica hà ricusatu l’accusazioni dicendu chì u Statu era ind’un lascià corra inde st’affari. Dipoi u 2 di sittembri, hà dittu Christophe Mirmand, i so servizii erani à u currenti è ani agitu subbitu parchì a malatia era bè cunfirmata u 6. U prifettu di Corsica hà annunziatu dinò tutti i primi misuri.
Ecoutez Christophe Mirmand.
