Fièvre catarrhale: les trois mesures phares de l'Etat pour la Corse
(A redazzioni d'Alta Frequenza) - Di pettu à l'epidemia di frebba catarrhale chì tocca più di centu allevi in Corsica dipoi parechji settimani, u Statu hà dicisu di pighjà parechji misuri. In fatti, calchì ghjornu dopu à un scontru trà u ministru di l'Agricultura è una dilegazioni di u mondu agriculu isulanu in Parighji, a prifittura di Corsica dà pricisioni in più ind'un cumunicatu. Prima, a missa in ballu di un dispusitivu di cumpensazioni cù un aiutu eccezziunali chì hà da copra 70% di i perditi, cù un sciffru, sicondu i casi, andendu da 191 à 284 auri par ogni besti morta o eutaniziata. I pruduttori di latti duvariani riceva aiuti più impurtanti, di pettu à ciò ch'elli ani persu in più. Dopu, una derugazioni hè stata uttenuta dopu à un accordu cù l'autorità taliani pà l'espurtazioni di l'agnelli in Sardegna. Infini, i vaghjoli ubligatorii è di gratisi, pà una prutezzioni più bona è contr'à a diffusioni di a malatia. Vaghjoli ubligatorii nanzi à u mesi di marzu di u 2014 è presi in carica à 100% da u Statu.
