Fièvre catarrhale: une motion votée par l'Assemblée de Corse
(A redazzioni d'Alta Frequenza) - Di pettu à a gravità di a crisa inghjinnata da a frebba catarrhale, u Statu si mubilizeghja! U titulu di u cumunicatu di stampa diffusatu ssa dumenicata da a prifittura di Corsica casca com'è una risposta à a muzioni vutata vennari scorsu da l'Assemblea di Corsica. Ssa muzioni, prisintata à l'urighjini da u gruppu Femu a Corsica, era stata cacciata finalmenti è prisintata torna una volta à nomu di l'Assemblea sana sana, pà pudè avè un'efficacità più maiò ben intesu. Pari chì u Statu avissi rispostu à ss'unanimità quì annunziendu un'azzioni in dui assi: i vaghjoli è u costu inghjinnatu chì sarà presu in carica à 100% da u Statu ; u Statu sustinarà l'allivadori fighjulendu i perditi ecunomichi è pighjarà dinò in carica certi cutisazioni suciali pà l'allivadori i più in difficultà. S'hè rimarcatu di sicuru chì ùn si vedi mai ind'u cumunicatu prifitturali qualsiasi rifarenza à ssa famosa "quarantina" imposta à i prudutti di a filiera. Ùn si sà ancu oghji dunqua s'è l'agnelli isulani pudarani sorta da a Corsica pà i festi di fin d'annata, un puntu di primura pà tutti l'allivadori. Nadine Nivaggioni, pà u gruppu Femu a Corsica, una pusizioni data, hè impurtanti di pricisà la, nanzi à a diffusioni di ssu cumunicatu.
Ecoutez Nadine Nivaggioni.
