Filière castanéicole corse : vers une année pire que la précédente ?
(A redazzioni d'Alta Frequenza) - A sapemi, dipoi parechji anni, i castaneicultori corsi sò impinseriti. A colpa à un insettu, u cynips, chì impidisci i fiori di sviluppassi è dunqua i castagni di crescia annant'à l'arburi. Annu dighjà, più di a mità di i pruduttori corsi erani assenti di a fiera di Bucugnà. D'appressu à Jérôme Pierlovisi, castaneicultori in Cutuli, sarà peghju quist'annu. Ss'ultimu, chì pruducia à pocu pressu trè tonni di farina castagnina calchì annu fà hè ghjuntu à u nivellu zeru. Hè tutta una filiera chì hè tocca da u cynips. Pà scumbatta ssu mali, u gruppamentu di i castaneicultori corsi hà lintatu ss'ultimi anni 400 volti un antru insettu : u torymus. U scopu hè ch'ellu tumbessi u cynips. Ma ci vularà ad aspittà torna trè o quattru anni à u minimu par chì i pruduzzioni ripartissini più altu.
Steti à senta à Jérôme Pierlovisi, castaneicultori in Cutuli.
Sur le même sujet
