Fin de la crise des déchets : réaction de la présidente de l'Office de l'Environnement
(A redazzioni d'Alta Frequenza) - In un cumunicatu, u Cunsighju esecutivu di Corsica, è più particularmenti a presidenti di l’Uffiziu di l’Ambienti, Agnès Simonpietri, hà presu cunniscenza di l’accordu intarvinutu ssu marcuri à sera trà i sfarenti parti cuncirnati pà a riapartura di u ruminzulaghju di Vicu. « U rilevatu di dicisioni s’arremba à i pruposti chì u Cunsighju esecutivu avia fattu valè dipoi u principiu di a crisa. Ss’ultimu si rallegra di veda ch’ella hè stata schisata a prova di forza è chì a raghjoni avissi vintu », dici quissa quì. « Ma ci voli à ramintà chì u prublema di fondu ferma quì è chì l’energia di tutti i cullittività rispunsevuli, i cumitati di seguitu di i ruminzulaghji è di a pupulazioni sana devi essa mubilizata pà metta in opara una gistioni di i rumenzuli rinnuvata cumplettamenti », cuntinueghja Agnès Simonpietri. « Com’ellu s’hè ingaghjatu duranti ss’ultimi ghjorni liendusi à a ricerca di una surtita di crisa, l’Uffiziu di l’Ambienti purtarà un prughjettu glubali pà risponda infini cù suluzioni riali à ssu cartulari propiu pisivu », compii s’ultima.
Sur le même sujet
