Fin de la grève à la Poste d'Ajaccio : les explications de la CGT
(A redazzioni d'Alta Frequenza) - U cunflittu di a Posta in Aiacciu chì durava dipoi più di trè mesi s’hè compiu stanotti dunqua. In fatti, sottu à a prissioni di i socioprufiziunali isulani chì si sò invitati à i neguziazioni arimani trà i grevisti è a direzzioni ind’i scagni di a Direccte, un protocollu d’accordu hè statu firmatu versu un’ora di mani. U travaghju hà ripresu dunqua stamani cù una distribuzioni rializata solu da fattori titulari pà i lettari i più vechji in priurità in trè ghjorni, mentri chì sarani distribuiti di manera sana sana in vinti ghjorni. Dopu à 93 ghjorni di greva, a CGT, sindicatu maghjuritariu chì purtava u cunflittu, ùn parla micca di vittoria, ma a suddisfazioni hè prisenti malgradu tuttu.
I spiecazioni è i ditagli di l'accordu firmatu cù a direzzioni in cumpagnia di Jean Bernard Poli, pà a CGT.
Sur le même sujet
