Finale Bastia - PSG : la colère de Ghislain Printant contre Frédéric Thiriez
(A redazzioni d'Alta Frequenza) - Ssu sabbatu, u SC Bastia hà persu dunqua 4-0 a so finali di a Cuppa di a Liga contr'à u Parighji Saint Germain. Ma l'evenimentu di a sirata hè statu a dicisioni presa da Frédéric Thiriez, u presidenti di a LFP, d'ùn falà micca annant'à u tarrenu pà salutà i vintidui attori. Timendu muvimenti ind'è i sustenidori bastiacci cuncirnendu a so prisenza, ma dinò è soprattuttu chì ghjucadori ùn li stringhjissini micca a manu. Frédéric Thiriez hà fattu dunqua calcosa di novu pà ssa finali è par ùn trattà micca ssa squadra bastiaccia com'è l'altri. Un cumpurtamentu chì hà annarbatu assai Ghislain Printant.
Steti à senta à Ghislain Printant, l'intrenori di u Sporting.
