Finances à la ville d'Ajaccio : la mise au point de Charly Cervetti !
(A redazzioni d'Alta Frequenza) - A campagna eletturali, in stand by par via di i vacanzi, hà da ripighjà daveru a settimana chì veni cù a riintrata ghjinirali. A battaghja sarà calda, si sà, ind'i dui cità maiò di Corsica ancu s'è in altrò è in qualsiasi lucalità, i sfarenti candidati in corsa si prumettini anch'elli una lotta spietata. In Aiacciu, l'uppusizioni à Simon Renucci purtarà colpi numarosi è ùn mancarà micca d'arrimbà si à u raportu di a Camara righjunali di i conti pà arricchiscia i so argumenti. Rammintemi chì ssu raportu, à u sensu mediaticu, ùn hà micca criticatu a gistioni municipali, ma hà fattu piuttostu valè parechji rimarchi, nant'à u seguitu di a debbita o ancu nant'à i spesi di funziunamentu.
Argumenti ripresi subbitu da l'uppusizioni ma smuntati in furia dinò da Charly Cervetti, aghjuntu à u merri incaricatu di u bughjettu.
Sur le même sujet
