Finances de l'hôpital d'Ajaccio : réponse rassurante de la Secrétaire d’État, Pascale Boistard
(A redazzioni d'Alta Frequenza) - Quistioni chì inchieta, risposta chì rassicureghja! Eccu ciò chì s'hè passatu stamani (marti) à l'Assemblea Naziunali cuncirnendu l'uspidali d'Aiacciu. Dopu a riunioni arimani di u cunsighju di survighjenza di a Miséricorde, riunioni ch'è no pudemi qualificà d'urghjenti, u presidenti Laurent Marcangeli hà interpellatu stamani u guvernu. 27 millioni d'auri di sbilanciu, piombu! A situazioni hè propiu pessima pà un stabilimentu chì pratindia d'andà, à cortu andà, ver di un ritornu à l'equilibriu. Non solu ùn hè micca u casu, ma u sbilanciu dittu strutturali di a Miséricorde hè passatu da 13 millioni in u 2013 à 21 millioni in u 2014, pà ghjunghja in u 2015 fin'è 27 millioni d'auri. Inchietudini in più pà u diputatu è merri, ma dinò pà i sindicati, ssa situazioni finanziaria catastrofica hà da pisà, o ancu cumprumetta l'avanzata bona di u cantieru, eppo di u funziunamentu di u novu uspidali d'Aiacciu? A risposta chì vulia rassicurà hè ghjunta da a bocca di Pascale Boistard, a Secretaria di Statu liata à u ministeru di a Saluta.
A stemi à senta.
Sur le même sujet
