Fioul lourd: toujours la question
(A redazzioni d'Alta Frequenza) - L'annunziu hè statu ripitutu torna una volta duranti a visita di Delphine Batho, a ministra di l'Ambienti: i novi cintrali EDF di Corsica viaghjarani bè cù u gaz naturali. S'hè ancu ripitutu chì ci sarà bè una stazioni pà a ghjunta di u gaz à u meziornu di Bastia è u "gazoduc" Cyrénée arricarà issu gaz in Aiacciu, com'è s'hè dittu chì Lucciana principiarà à u fuel lighjeru. Prublema, ed hè maiò, tutti iss'infurmazioni è què qualsiasi a fonti, fermani par avà ind'u duminiu di a prumessa. In materia energetica, ci hè solu una legi, quilla chì s'imponi à tutti, è ancu à l'arrestati prifetturali, hè a famosa PPI, a prugramazioni pluriannuali di l'investimenti, chì hè vutata, rammintemu la da u parlamentu, vali à dì l'assemblea naziunali è u Senatu. Altru prublema, ed hè maiò quissu quì dinò, a PPI attuali batti à prò di un principiu à u fuel pisivu pà a cintrali di Lucciana. Com'è i sciffri, l'associ sò tistardi, com'è Jean Nicolas Antoniotti pà Aria Linda.
Ecoutez-le.
