Fiscalité sur le tabac : l'analyse du groupe Corsica Libera à l'Assemblée de Corse
(A redazzioni d'Alta Frequenza) - L'amendamentu Delaunay nant'à a fiscalità di u tabaccu in Corsica righjittatu da l'Assemblea naziunali, ma micca di manera cusì faciuli. In fatti, quissu quì hè statu ricusatu da 26 voti contr'à 6. Un amendamentu postu da una diputata cuntinintali, chì t'avia com'è scopu, in u quadru di u prughjettu di legi nant'à u finanziamentu di a securità suciali pà u 2017, d'armunizà a fiscalità di u tabaccu nant'à l'isula, dirugatoria, cù quilla in regula in cuntinenti, inghjinnendu di fattu una crescita di u prezzu di u tabaccu in Corsica. Ma l'affari ùn hè micca compiu parchì si sà chì prestu o tardi, ssu gennaru di dispusitivu fiscali hà da vultà davanti à l'Assemblea naziunali. Petr'Antò Tomasi pà u gruppu Corsica Libera hà vulsutu rifletta aldilà di u votu di u ghjornu. U carattaru tempurariu di u dispusitivu attuali faci nascia a riflessioni di u muvimentu puliticu. D'appressu à ellu, ùn c'hè chè un veru statutu fiscali pà a Corsica inquadratu da un statutu puliticu bè difinitu chì pudarà parmetta di stabilizà a situazioni.
Eccu l'intervista di u presidenti di u gruppu Corsica Libera à l'Assemblea di Corsica.
Sur le même sujet
