Foncier : encore et toujours des remous
(A redazzioni d'Alta Frequenza) - U Rinnovu Naziunali tira à balli rossi nant'à u funziunamentu di i cummissioni dipartimintali incaricati di a priservazioni di i tarri agriculi corsi, criati in u 2010 da a legi di mudernisazioni di l'agricultura. In fatti, à l'uccasioni di una cunfarenza di stampa tinuta stamani (marti) in Bastia, u muvimentu naziunalistu affirmeghja chì, à l'arringuerciu di a so missioni prima, chì hè dunqua di schisà a cunsumazioni abusiva di i spazii agriculi à prufittu di l'urbanisazioni, quissi quì andariani à prò di a speculazioni immubiliari. Asempiu in Corsica Suprana, d'appressu à u Rinnovu, duva u prifettu, via issa cummissioni, hà datu un avisu pusitivu à a sclassifaca di tarri agriculi, contr'à i voci unanimi di u mondu agriculu è di l'associ ambientali, nant'à u PLU di a cumuna d'Oletta. Ancu puru s'è quissa quì t'hà solu un avisu cunsultativu, iss'entità hè periculosa è fora di legi pà u Rinnovu, chì dumanda l'arrestu di tutti i ducumenti d'urbanismu cuncirnati, è chì un veru dibattitu sighi urganizatu cù l'insemi di l'eletti di l'Assemblea di Corsica, à l'ora duva l'isula metti in ballu u so futuru PADDUC.
Écoutez Paul-Félix Benedetti.
Sur le même sujet
