Foncier et agriculture : Femu A Corsica se préoccupe de la question.
(A redazzioni d'Alta Frequenza) - U fundariu ! Hè dinò à u centru di i primuri di tutti quilli chì à un gradu diversu t'ani una leia cù u mondu agriculu. L'assemblea di Corsica, aldilà di u travaghju rializatu nant'à u PADDUC, si primureghja assai di a prublematica di u fundariu è frà altru di u fundariu agriculu. Vistu com'elli avanzani i cosi, da quì à menu di 10 anni, sarà impussibuli pà un ghjovanu agricultori di pudè stallà si. U prezzu di u listessu pezzu di tarra, ch'ellu sia classificatu agriculu o micca, pò veda u so valori multiplicatu più di 100 volti; si capisci tandu l'intaressu di metta in ballu un fondu fundariu agriculu, in paternariatu cù a SAFER di Corsica. A CTC hà attribuitu chì hè pocu 800 000 auri à l'annu nant'à un periudu di trè anni, pà crià issu fondu chì sarà gistitu grazia à un partenariatu trà l'O.D.A.R.C, a SAFER è l'Agenza di u Sviluppu Durevuli di a Corsica. U scopu : crià riserva fundaria pà dà à i ghjovani agricultori a pussibilità di stallà si. U gruppu Femu a Corsica s'hè impegnatu assai nant'à issu cartulari è Nadine Nivaggioni ci hà dittu parchì.
On l'écoute
Sur le même sujet
