Fonds européens : la nouvelle programmation pour la Corse
(A redazzioni d'Alta Frequenza) - Dopu à u mesi di l'Auropa, era di maghju, c'hè statu oghji (luni) u lanciamentu di a prugrammazioni aurupea 2014-2020 pà a Corsica in u Palazzu di i Cungressi d'Aiacciu. S'è u dopu meziornu hè statu cunsacratu di manera ludica à a prisintazioni di l'Unioni Aurupea è di i so istituzioni, s'hè parlatu stamani di soldi cù u ditagliu di tutti i fondi aurupei, è sò numarosi, chì ghjunghjarani in Corsica in ssu mentri. Pà ssi tempi difficiuli, ancu pà l'Auropa, pudemi dà i sciffri maiò chì ani da caratterizà l'azzioni aurupea in Corsica fin'è u 2020. Guasgi 116 millioni d'auri sarani cunsacrati à u FEDER-FSE, guasgi 8 millioni d'auri pà u prugramma uparaziunali FSE è 145 millioni d'auri sarani investiti annant'à u PDRC. Pà quilli chì ùn cunnoscini micca tutti ssi sigli, u FEDER hè u Fondu Aurupeu di Sviluppu Regiunali, u FSE u Fondu Suciali Aurupeu è u PDRC hè ben intesu u Prugramma di Sviluppu Rurali di a Corsica. C'hè una nuvità pà ssa prugrammazioni 2014-2020 ed era statu annunziatu calchì mesi fà : a Cullittività Tarrituriali di Corsica diventa autorità di gistioni di tutti ssi mezi aurupei, ciò chì custituisci una fasa nova impurtantissima di a dicintralisazioni. Si tratta di a sparizioni di u circuitu tradiziunali di i fondi aurupei, vali à dì Cumunità / Statu / Regioni?
Steti à senta à Christophe Mirmand, u prifettu di Corsica.
Sur le même sujet
