Fonds vert du gouvernement : un premier semestre riche en projets en Haute-Corse
U guvernu hà fattu di l’urgenza climatica una di i so priurità, è hà sceltu l’invistimentu da purtà la. U fondu verdu di u guvernu, chì tocca i 28,5 miliona in Corsica pà u 2023, viaghjà propiu bè in Cismonti.
Dipoi u principiu di l’annu, 12,7 miliona sò stati attribuiti à 57 prughjetta, cù un finanzamentu chì pò andà da 40 à 80 %.
Issi prughjetta vani da calchì millaiu d’auri à cinqui miliona, pà i più custosi.
Hè cuncirnatu ugni duminiu : rinuvera energetica, privinzioni di i risichi liati à u riscaldamentu climaticu, rumenzuli, lutta contru à l’erusioni.
Sò ancu privisti prughjetti più impurtanti : a impiantazioni di cascioni novi d’armeghju o a stesa di a reti di punti di carica lestra pà i vitturi elettrichi.
Steti à senta à Michel Prosic, u prifettu llu Cismonti.
Trà i cumuni à pudè binifizià d’issu fondu verdu, ci sò E Ville di Petrabugnu.
A mirria è a sala di i festi ani da essa rinuvati in tuttu, chì ancu puri issendu mudernu da fora, u bilanciu energeticu llu bastimentu - a so parti cintrali issendu di l’anni sittanta – hè di quiddi più chè pessimi, masimu chì a climatisazioni ùn viaghja mancu stampa.
Fatti issi travadda, u bastimentu hà da passà da a catiguria E à a catiguria B.
Da ghjunghja ci, ci ani da vulè 1 810 000€. U fondu verdu n’arreca 412 400.
Steti à senta à Michel Rossi, u merri di E Ville di Pietrabugnu
Sur le même sujet
