Football (CFA) - Le CA Bastia veut participer à la fête
(A redazzioni d'Alta Frequenza) - U « veranu di u ballò corsu » pudaria bè cuntinuà è tuccà una nova squadra isulana ind’i ghjorni à vena. In fatti, dopu à u mantinimentu di l’AC Aiacciu in Lega 1, di a cullata di u SC Bastia inde issa stessa divisioni è di a cullata di u Gazélec d’Aiacciu in Lega 2, u CA Bastia pudaria rializà un affari simuli è raghjunghja u campiunatu National. Ind’u gruppu A di u CFA, i bastiacci ghjocani issu dopu meziornu (marcuri) una partita ditarminanti contr’à Drancy à u stadiu d’Erbaghjolu, induva i ghjucadori di Stefanu Rossi ùn ani mai persu issa staghjoni. In casu di vittoria oghji, eppo di una disfatta o di un risultatu à paru d'Aubervilliers sabbatu chì hè à 3 unità di i corsi, u CAB pudaria ufficializà a so cullata in Naziunali à una ghjurnata di a fini, è di un spiazzamentu in Alfortville. Un scontru chì principiarà à 2 ori è mezu.
Écoutez l'entraîneur du CAB, Stéphane Rossi.
