Football (Coupe de France) - 16es de finale : l'AC Ajaccio éliminé par Bourg-Péronnas après prolongations (3-2)
(A redazzioni d'Alta Frequenza) - Fini di parcorsu in Cuppa di Francia pà l'AC Aiacciu, chì hà persu issu dopu meziornu (sabbatu) contr'à Bourg-Péronnas, squadra di CFA, trè reti à dui, dopu à i prulungazioni. Eppuru sò l'Aiaccini chì ani scrittu a prima reta in principiu di sicondu periudu, grazia à Socrier. Era senza cuntà nant'à avversarii curaghjosi è putenti, egualizendu è pighjendu l'affari in mani à deci minuti di a fini, par via di Ben Chaïb. I ghjucadori di Olivier Pantaloni riescini malgradu tuttu à rivena à dui à dui à a 92a, grazia à Mostefa, mandendu i dui squadri in prulungazioni. Prulungazioni duranti i quali l'isulani ùn farani mancu illusioni, Tavares battendu à Ochoa à a 104a minuta, una reta sinonima di qualificazioni pà i lucali, chì ani riisciutu a sfida di caccià fora una furmazioni di Lega 1. L'ACA esci dunqua da issa cumpetizioni ; bisogna à stà oramai cuncintrati nant'à u campiunatu, cù un spiazzamentu micca faciuli in Valenciennes sabbatu chì veni, cuncurrenti direttu pà a lotta à u mantinimentu.
Sur le même sujet
