Football (Coupe de France) - CA Bastia-SC Bastia : la déception de l'entraîneur du Sporting
(A redazzioni d'Alta Frequenza) - A magia di a Cuppa di Francia s'hè fatta nant'à parechji tarreni issa dumenicata, è frà altru da u cantu di u stadiu François Coty in Aiacciu, pà un derby bastiacciu trà u CAB è u SCB. In fatti, sò i ghjucadori di Stéphane Rossi, chì ghjocani in Naziunali, chì ani fattu cascà in 32i di finali i so vicini di u Sporting, club di Lega 1, dui à zeru. I cabisti chì ani fattu trimà i reti à a 37a grazia à N'Diaye, nanzi di duppià l'affari cinqui minuti dopu cù Grimaldi. I ghjucadori di Frédéric Hantz, tutalmenti trapassati duranti u primu tempu, ani pruvatu à ripighjà si duranti u sicondu, ma in vanu, caontr'à una squadra cabista chì t'avia più voghja è chì era più accanita. A ierarchia hè dunqua stata disturbata issa dumenica duranti issu derby micca cumunu. Da u cantu di u Sporting, omu era assai dillusu dopu à issa squalificazioni. U SCB chì avarà persu à l'uccasioni di issu scontru u so capitanu Yannick Cahuzac, chì s'hè smessu a spalla, è chì pudaria essa micca dispunibuli pà un tempu assai longu.
Ecoutez l'entraîneur du SC Bastia, Frédéric Hantz.
Sur le même sujet
